نجل مرسي يثير إعجاب النشطاء بعد كلمات وجهها للمحكمة (شاهد)

أثارت كلمة وجهها نجل الرئيس المصري محمد مرسي إلى هيئة محاكمته أمس، إعجاب العديد من النشطاء على مواقع التواصل الاجتماعي. 

وكان أسامة مرسي نجل أول رئيس مدني منتخب لمصر، والمعتقل على ذمة قضية "حيازة سلاح أبيض في منزله"، قد وجه رسالة إلى هيئة المحكمة أمس، وصفها النشطاء بـأنها "كلمات منظمة، قوية، مرتبة ومنطقية". 

وقال مرسي في كلمته: "أنا مش عايز أسبب حرج لهذه المحكمة، أنا معروف طبعا للقاصي والداني للخاصة والعامة أنا محبوس ليه، يعني مفيش حد في مصر أميّ ولا متعلم، يحمل شهادة عليا أو متوسطة، جاهل أو عالم، مش عارف أسامة مرسي في السجن ليه". 

وتابع: "أنا سألت معاليك يا معالي المستشار قبل كدا مين اللي حابسني؟ هل المحكمة هي اللي بتحبسني؟ ولا النظام هو اللي حابسني؟" ليجيبه القاضي: "مفيش حد في مصر محبوس إلا بعلم القضاء". 

وأردف أسامة: "عظيم، خلينا نقف على القاعدة دي ونكمل كلامنا، حقوقي يا معالي المستشار أمام الله سبحانه وتعالى أضعها في رقبتك، أنا معنديش منفذ أتكلم فيه مع بني آدم كلهم إلا حضرتك، أنا لا أرى البشر".

وأضاف: "هذا الحصار الشديد اللي معمول عليا في السجن لو الهدف منه إن عقلي يروح تبقوا بتحلموا، أنا أسرتي ممنوعة من زيارتي، ابني الوحيد ولد قبل اعتقالي بأيام، واليوم عيد ميلاده الأول، تركته وهو رضيع ابن أيام ودلوقتي هو بيمشي، أنا ممنوع من الزيارة ليه؟".

وأكد أسامة قائلا: "من حقي أن أتابع شأن أسرتي، ده حقهم أصلا كمواطنين قبل ما يكون حقي كمعتقل، أنا لا أعفي هيئة المحكمة بالتحديد هذه الهيئة من مسؤولية ما يتم في حقي من انتهاكات".

وكانت محكمة جنح الزقازيق قد قضت في 22 أكتوبر/ تشرين الأول الماضي، بحبس أسامة مرسي 3 سنوات بتهمة "حيازة سلاح أبيض". 

كلمات أسامة مرسي أثارت تعاطف النشطاء وإعجابهم بقوتها خاصة قوله: "هذا الحصار الشديد اللي معمول عليا في السجن لو الهدف منه إن عقلي يروح تبقوا بتحلموا".