مصرية بـ "عزبة النخل": قلنا نعم للسيسي.. فين نعم (فيديو)

قالت إحدى ضحايا عشش عزبة النخل، إنهم ينامون في الشارع، ويستيقظون ليجدوا الكلاب تنام بجوارهم، والقطط تلعق أيديهم. 

 وقالت الضحية في حوار مسجل لشبكة رصد: "احنا انتخبنا السيسي وقلنا له نعم لكي لا نتمرمط ، فين نعم؟ إنزل وشوف شعبك متبهدل، شوف مستقبل مصر بيتدمر، إحنا بنحبك، شرفنا عشان إحنا غلبانيين" 

 وأضافت " إحنا بنام في الشارع، ونولع ولعة في الشارع عشان نتدفأ، وأولادنا بنلفهم بالطرح عشان ندفيهم" 

 وأردفت "في الحي وقسم المطرية، قالولنا وقفتكم دي ملهاش لازمة، وملكمش حق واحنا ورقنا جوا عند رئيس الحي" 

 جدير بالذكر أن يوم 11 فبراير، سقط جزء من كوبري الشيخ منصور في عزبة النخل، وحينها أرادت محافظة القاهرة إزالة آثار الكوبري المنهار، فأزالت معها عشش عشرات الأسر التي تسكن بمحيط الكوبري، بالاستعانة بقوات الجيش والشرطة، وتم تسليم الأرض لشركة المقاولين العرب.
 
ثم قامت قوات الأمن في نهاية الأسبوع الماضي، بطرد الجزء المتبقي من الأهالي، وإزالة خيام المتضررين وإخلاء المنطقة بالقوة، وحين امتنع بعضهم عن إخلاء العشش، قامت بإطلاق قنابل الغاز المسيل للدموع، لإجبارهم على الخروج.