إعلامي مصري: السيسي لو مش قادر يشيل يمشي (فيديو)

استنكر الإعلامي المصري الداعم للانقلاب جابر القرموطي المذبحة الكروية التي شهدتها مصر مساء الأحد، وأسفرت عن مصرع أكثر من 22 من مشجعي نادي الزمالك في محيط استاد "الدفاع الجوي".

وقال تعليقا على الحادثة: "خلاص.. زهقنا من الدم اللي كل شوية عمالين نشوفه.. كل شوية دم".

واستطرد قائلا: "اللي مش عارف يشيل يمشي.. من رئيس الجمهورية لتحت.. اللي مش قادر يشيل يمشي.. ليه.. لأنه عيب قوي كل أسبوع يبقى عندنا 20 و25 واحد دم.. عيب"، على حد تعبيره، في إشارة إلى الحوادث المتواصلة في مصر، التي يدفع ثمنها مواطنون أبرياء من أرواحهم.

وطالب القرموطي في برنامجه "مانشيت" على فضائية "أون تي في" مساء الاثنين بمحاسبة المسؤولين عن المذبحة، قائلا: "الأخ اللي كان مشرف إمبارح على الماتش لازم يتحاسب، لازم الحساب، وإلا هنبقى بلد ما فيهاش عدل..مش هيبقى فيه عدل".

وأضاف: "لازم يتحقق معاه.. ما فيش حاجة اسمها واحد مش مسؤول.. ما فيش حاجة اسمها إنك جايب لي قفص فراخ، وحابس المشجعين فيه.. ده معناه إن ما فيش خطة، وإننا بنمشي هليهلي.. وإننا عشوائيين.. وإننا بنمشي بأوامر .. وده عيب".

واعتبر مراقبون أن تعليق القرموطي على المذبحة هو من قبيل "التغريد خارج السرب"، مشيرين إلى ما حفل به الإعلام المصري في أعقابها من تعليقات تقلل من شأن الحادثة، وتحمل مسؤوليتها للضحايا، وتبرئ وزارة الداخلية من ارتكابها، أو التسبب فيها.
 
وكان مذيع فضائية صوت الشعب، وصف على التلفزيون المصري، الضحايا بـ"المجرمين"، مشيرا إلى أنهم أخلوا بنظام الدولة لأنهم حاولوا دخول المباراة بدون تذاكر.

وطالب المذيع في برنامجه "مصر مباشر" مساء الاثنين قوات الأمن بالتعامل مع الألتراس بطريقة أكثر قوة، قائلا: "أتمنى أنه يتم التعامل مع دُول بصورة أقوى من كده، ويتم التصدي لفض مثل هذه المظاهرات بصورة أقوى من كده".