سخرية بمصر من أغنية شعبية تتوعد "محمد علي" (شاهد)

سخر نشطاء على مواقع التواصل الاجتماعي، من استعانة الجيش المصري بالمطرب الشعبي شعبان عبد الرحيم للرد على اتهامات محمد علي حول وجود فساد بالمؤسسة العسكرية وإهدار رئيس سلطة الانقلاب عبد الفتاح السيسي لأموال مصر في بناء قصور واستراحات رئاسية.

وتداول النشطاء مقطع فيديو لأغنية شعبان عبد الرحيم الذي يهاجم فيها "محمد علي" ويصفه بالجاسوس والخائن ويهدده بالانتقام، منتقدين "هذا الأسلوب القديم" في الرد على اتهامات الفنان والمقاول المصري محمد علي التي أثارت جدلا واسعا في الشارع المصري خلال الأيام الماضية.

وفيما يلي كلمات الأغنية:

اللي معاه ربنا مش بيخاف من حد
الشعب المصري وجيشه ايد واحدة بجد بجد

حتت ممثل فاشل ساقط ملوش ترتيب
غلط في مصر وجيشها يستاهل التأديب

اسمه محمد علي مش يعني علي كلاي
ده حتت عيل فاشل وحرامي ورغاي

لا نعرف مين بسلامته ولا حتى شغال ايه
والنعمة أنا ما اعرفه ولا عمري سمعت عليه

في ناس بيقولوا ممثل فشل وكان بيحاول
ولما ملقاش فايدة راح اشتغل مقاول

هرب على البر التاني وده حلمه من زمان
كان نفسه يروح يعيش في جنة اردوغان

فاشل في التمثيل وده كان من الأول باين
لكن اللي مكنش واضح انك جسوس وخاين

بأي حق يا فاسد تغلط في جيش ورئيس
هو انت فاكر الشعب هيسيبك يا خسيس

محدش خان البلد دي الا لما وقع واتعرف
الجيش المصري يا شاطر رمز الكرامة والشرف

الريس قالها مرة الجيش ده زي النار
محدش يلعب معاه بجد أو هزار

في ناس ملهاش مزاج ان الفساد ينتهي
محمد علي مين يا عم روح اتلهي

زعلان عشان معرفتش تسرق أو ترتشي
ده أبوك قالك عيب عليك اختشي

الجيش المصري يا علي مبيتلعبش عليه
واسأل عشماوي يقولك الخاين اخرته ايه