حقوقي يطلب من السيسي زيارة مرسي بسجنه.. لماذا؟ (شاهد)

وجه الحقوقي المصري، هيثم أبو خليل، دعوة إلى قائد الانقلاب في مصر، عبد الفتاح السيسي، للتوجه إلى مقر احتجاز الرئيس محمد مرسي.

وقال أبو خليل خلال برنامج "حقنا كلنا" على فضائية "الشرق": "أنا جاي بنصيحة حقيقية ومخلصة لعبد الفتاح السيسي، بعد كلامه عن زيادة الخدمات جنيه واحنا فقرا، وموضوع الفقر اللي هو شغال فيه".

وتابع: "تحدث السيسي عن إن فيه مشكلة في تنفيذ مشروع المليون ونص فدان الفنكوش، وتسديد القروض، وإن البلد مش طابونة، فهو عنده مشكلة في إدارة الدولة"، وفق قوله.

وأوضح أبو خليل أن "الحل، طالما إنك فاشل ومش عارف تدير البلد، وعلى رأي أبلة لميس (الحديدي): مش أد الشيلة شيلت ليه، فاذهب إلى سجن غربانيات أو ملحق مزرعة طره أيا كان فيهم الرئيس المنتخب مرسي".

وأردف: "اذهب إليه واطلب منه النصيحة، وقل له أنا منقلب وخدت حاجة مش بتاعتي وشيلت شيلة مش بتاعتي، وأنت كان معاك وزير تموين محترم باسم عودة، وكان معاك فريق حاول يعمل حاجة، وأنا فاشل خالص فاطلب منه النصيحة".

يأتي ذلك ردا على حديث السيسي حول زيادة أسعار تذاكر المترو، ورفضه أي شكوى من غلاء الأسعار، قائلا: "اللي هيقول أنا غلبان مش قادر هقول له وأنا كمان غلبان مش قادر".

وتحدث السيسي عن عن القروض من كوريا وفرنسا، مؤكدا أن"الدولة مش هتقدر تدفع القروض".

وقال السيسي أيضا: "انتو عايزين خدمات ببلاش؟! أنا لو حطيت الـ10 مليار اللي هطور بيهم السكة الحديد في البنك هيجيبولي اثنين مليار فوائد".