نشطاء للسيسي: مصر "#مش_طابونة" فأين إيرادات الدولة؟

توالت الانتقادات الموجهة لقائد الانقلاب في مصر، عبد الفتاح السيسي، لليوم الثاني على التوالي، عقب كلمته عن الاقتصاد، الأحد.

وكان السيسي تحدث، خلال افتتاحه أحد المشروعات في المنيا، عن زيادة أسعار تذاكر المترو، ورفض أي شكاوى من غلاء الأسعار، قائلا: "اللي هيقول أنا غلبان مش قادر، هقول له وأنا كمان غلبان مش قادر".

كما تحدث عن القروض من كوريا وفرنسا، معتبرا أن"الدولة مش هتقدر تدفع القروض". وقال: "انتو عايزين خدمات ببلاش؟! أنا لو حطيت الـ10 مليار اللي هطور بيهم السكة الحديد في البنك هيجيبولي 2 مليار فوائد".

وأطلق النشطاء وسم "#مش_طابونة"، انتقدوا عبره كلمات السيسي.

وتساءلت حركة شباب 6 أبريل: "طيب بما إنها مش طابونة.. إيرادات جهاز مشروعات الخدمة الوطنية بتروح فين؟! ميزانية الدولة ولا ميزانية الجيش ولا كروش السادة الجنرالات؟!".

وقال الحقوقي جمال عيد: "مصر #مش_طابونه، واسأل حبيب العادلي ولصوص مبارك بكره يمر شهر على حكم سجن العادلي، ضعوا صورته في البروفايل بكره، فكروهم وافضحوهم".

وغرد كريم عبد الحكم: "هي مش طابونة فعلا، هي عزبة ليك ولعشيرتك من اللواءات والقيادات والظباط والبهوات والباشوات وأصحاب المقامات، اللي ماحدش يقدر يكلمهم".

وعلق الإعلامي معتز مطر: "أيوة طبعا #مش_طابونة، كنا شعب وخد صابونة شقلبونا وعسكرونا وكلبشونا وقلبونا ولفي بينا يا لمونة #مش_طابونة".

وقال أحمد عبد المنعم: "دي ناس مطحونة، (..) ياشحات المعونة، الأرض بدم الشهدا معجونة، آخرتك قذافي ابن مجنونة، عاش كافر ومات من العفونة".

وغرد إيهاب الشاعر: "اللي ضاعف حجم الديون والقروض في سنتين يسددها!".

وسخرت نور محمد، قائلة: "وأنت بتاخد 14 جنيه بتوع رمضان متنساش تحديث البطاقة يا سكر اللي وصل 25 جنيه ويجعله عامر يا رب".

وعلق سامي فؤاد: "هي مش طابونة، هي بقرة العسكر بس هو اللي يحلبها".

وقال عمر حمدي: "#مش_طابونة، ما أنت اغتصبت السلطة وهي مش بتاعتك، وقتلت أمل المصريين، وسرقت فلوسهم، وهي مش بتاعتك".

وغرد عبده المسعودي: "أول واحد أخذ حاجة مش بتاعته هم العسكر، وأنت واحد منهم، أخذت الحكم والاقتصاد وخزينة الدولة، والشعب أصبح يعيش على التسول، وهو بعد ذلك مقهور ومختنق".

وسخر السيد مصطفى قائلا: "فعلا هي مش طابونة؛ لأن الطابونة شغالة وبتكسب، والمعلم دايرها صح، وباني منها عمارات، وشاري من أرباحها عزبة، وعمالها مبسوطين".