ماذا قال الأنبا بيمن خلال لقائه بأقباط أمريكا؟ (شاهد)

قال الأنبا بيمن، أسقف نقادة وقوص بمحافظة قنا في مصر، ومسؤول لجنة إدارة الأزمات بالكنيسة الأرثوذكسية، إنه تم فرض إتاوات على مسيحيي الصعيد إبان حكم الرئيس محمد مرسي، وإنه تم فرض زي معين على المسيحيات، متحدثا في المقابل بأن قائد الانقلاب عبد الفتاح السيسي تعهد ببناء الكنائس على نفقة الدولة، وأنه لا يحتاج لأكثر من "تلفون" لبناء كنيسة.

وكان بيمن اجتمع مع أقباط المهجر في الولايات المتحدة الأمريكية، قبيل زيارة السيسي؛ للمشاركة في اجتماعات الجمعية العامة للأمم المتحدة؛ لحثهم على تنظيم حشود لاستقباله.

الكنائس من غير ترخيص

وفي فيديو تداوله النشطاء عبر مواقع التواصل الاجتماعي، الاثنين، ظهر الأنبا بيمن والأنبا يؤانس خلال اجتماعهما مع عدد من المصريين المسيحيين في مدينة نيوجرسي الأمريكية.

ويقول الأنبا بيمن في الفيديو: "نحن نعيش الآن أحسن أيام، والبابا تواضروس باعتنا عشان نحفز الأقباط يطلعوا يستقبلوا الريس استقبال كويس".

وأردف: "بين 70% و 80% من كنايسنا مبنية دون ترخيص وعلى أراض زراعية (بالمخالفة للقانون) أراضي وضع يد، وأراضي ملهاش ملكية، والقانون بيقول إن أي مكان اتصلى فيه سيتم تقنينه ككنيسة". 

وتابع: "احنا حاسين إن المشاكل الاقتصادية هزت السيسي في قلوب الأقباط والراجل ملوش ذنب.. في مؤامرة علينا وعليه".

"قانون بناء الكنائس ده الإنسان الحقاني اللي يمسكه كفاية إنه كل الكنائس اللي بنصلي فيها اللي 100 متر و200 متر و1000 متر واللي 2000 متر، واللي من غير ورق واللي من غير طلبات. ده أنا في كنيستين في القاهرة بالتليفون بس، ولا ليها ورق ولا قدمنا ورق، وكل ده هيتقنن دي تساوي إيه دي؟".

سنة مرسي "السودة"

وفي جزء آخر من المقطع، قال الأنبا بيمن في تعليقه على العام الذي تولى فيه الرئيس محمد مرسي الحكم: "كل مسيحي الصعيد اتفرضت عليهم بطرق مختلفة إتاوات، وكان حالنا ما يعلم بيه إلا ربنا، بما فيهم السنة السودة إياها. ده الوضع بتاعنا اتفرض على بناتنا لبس معين. مفيش بنت تقدر تطلع شعرها مكشوف. تهديدات وكانت بيتم اعتداءات وتحرشات حاجة يعني ما يعلم بيها إلا ربنا"، مضيفا: "المسيح إلهنا خلعهم"، في إشارة إلى الإخوان ومرسي.

169 مليون جنيه من الدولة لبناء الكنائس

وعن بناء الكنائس بنفقة الدولة، قال: "وعد الحر دين عليه الراجل (السيسي) تعهد شفاهة وخد الكلمة بتاعته دي، وقال: كل بيت اتحرق وكل كنيسة اتحرقت احنا هنعيد بنائها تاني، قعدت مع قائد الجيش ومعايا لجنة من ناس استشاريين محترمين وبدأنا، وأنا معايا الإيميل لسه بالألوان عن المحافظات والكنائس في كل بلد وفي كل كنيسة، 63 موقع فيهم حوالي كام وتمانين منشأة، التكلفة 169 مليون جنيه من الدولة، أنا معرفش من الجيش أو مين اللي جاب الاعتمادات، لكن هي من الدولة".

وأردف بيمن: "وبعدين النقطة الأهم إن كل مدينة جديدة بيتم تنفيذها بإشراف الهيئة الهندسية للقوات المسلحة بيتم إنشاء كنيسة فيها. لو الدولة بنت مسجد أو اتنين بتبني كنيسه. وصار هذا مبدأ مكنش موجود سابقا وعلى حساب الدولة".

اقرأ أيضا: كاهن قبطي: السيسي أرسله إلهنا والجيش بيبني كنائسنا (شاهد)