عمرو أديب: مصر أغنى بلد في التاريخ.. وهذا هو الدليل (فيديو)

قال الإعلامي عمرو أديب، الثلاثاء، إن مصر أغنى بلد في التاريخ، نافيا في الوقت ذاته علاقة الإخوان المسلمين بـ"المؤامرة" الاقتصادية على مصر.

وفي برنامج "كل يوم" الذي يقدمه أديب، قال إن "مصر دي أغنى بلد في التاريخ لأنها بتتسرق كل يوم وعايشة، هذا البلد يسير بالستر، فلغة الأرقام لا تكشف كيف تسير هذه الدولة".

وتساءل، مؤجها كلامه للفاسدين: "بتجيبوا الفلوس اللي بتسرقوها منين؟.. وبتختلسوا إزاي ومنين أنا مش عارف"، لافتا إلى أن الشرفاء في مصر يكشفون حالات معينة من الفساد، وأن هناك الكثير منها لا يتم كشفه.

وعن تجربته الخاصة، قال أديب: "وأنا صغير كنت باخد الفلوس من محفظة أمي، ولما أمي خبتها مبقتش أعرف اختلس، وبقول للفاسد أنت ربنا كرمك وسرقت، ليه تسرق تاني، وبقول لكل حرامي في البلد كفاية".

وأوضح أن "البلد بتتنهب، وكل واحد ايده في جيب التاني، والدائرة شغالة، مفيش أحسن من زعيم كوريا الشمالية، جاب عمه في ميدان وضربه بمدفع مضاد للطائرات، ولم يتفوه أحد بكلمة، طيب كوريا الشمالية دي بتاكل منين ومقفول عليها كده من كل ناحية".

وبشأن الحديث عن وجود مؤامرة اقتصادية ضد مصر، قال أديب، إن "مصر لا تعاني من مؤامرة اقتصادية، والإخوان لا علاقة لهم بالموضوع، لأن أغلبهم في السجون وهم يمثلون 20 بالمائة من نسبة المجتمع".